Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 184 Hüküm no: 210 Orijinal metin no: [22b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mitro v. Mato’nun alacak davasını ispatlayamadığı Maʻrûz; Kassab kandarlarından Mitro v. Mato nâm zimmî Eyüb mahkemesine ihzâr olunan Sava v. Sava nâm zimmî ile terâfuʻlarında benden iştirâ ve kabz eylediği yüz yirmi sekiz buçuk vakıyye lahm-ı ganem bahâsından olan hakkımı vermeyip zimmetinde kalmışdır deyü tasaddî eylediği daʻvâsını mesfûr Sava baʻde’l-inkâr müddeʻî-i mezbûr müddeʻâsını isbâtdan izhâr-ı acz-birle istihlâf etmeğin mesfûr Sava’ya yemîn verilip müddeʻî-i mesfûr Mitro bilâ-beyyine muʻârazadan menʻ olunduğu tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâmin aşer min-Cemâziyelevvel sene sittin ve miʼe ve elf.