Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 184 Hüküm no: 211 Orijinal metin no: [22b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yorgi’nin Manoz’daki alacaklarından vazgeçtiği Maʻrûz; Sâhib-i arzuhâl Yorgi zimmî meclis-i şerʻde derûn-ı iʻlâmda ismi mastûr olan Ramanoz zimmî muvâcehesinde mesfûr Yorgi vesâtet-i muslihîn ile bâ-iʻlâm mahkûmün-bih seksen sekiz guruş ile müddeʻâsı olan yüz guruş mütâlebesinden meccânen mesfûr Manoz zimmînin zimmetini ibrâ ve iskāt eyledim dedikde ol dahi tasdîk eylediği tescîl olunup huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’t-tâsiʻ aşer min-Cemâziyelevvel sene sittin ve miʼe ve elf.