Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 188 Hüküm no: 216 Orijinal metin no: [23b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Çelebi b. Halil’in Mumcu İbrahim Beşe b. Abdullah’dan iddiâ ettiği alacak davasını ispatlayamadığı Maʻrûz; Mahrûse-i Galata’da sâkin Ahmed Çelebi b. Halil medîne-i Eyüb mahkemesine ihzâr etdirdiği bâʻisü’l-iʻlâm Mumcu İbrahim Beşe b. Mehmed muvâcehesinde mezbûr İbrahim zimmetinde don yağı semeninden bâkī on beş guruş otuz üç paramı taleb ederim deyü daʻvâ ol dahi tamamen defʻ u teslîm eyledim deyü eylediği defʻini beyân edemeyip talebiyle müddeʻî-i mezbûr Ahmed’e yemîn teklîf olundukda yemîninden nükûl etmekle mûcebiyle müddeʻî-i mezbûr Ahmed meblâğ-ı bâkī-i mezbûr on beş guruş otuz üç para mütâlebesinden menʻ olunduğu baʻde’t-tescîl bi’l-iltimâs huzûr-ı âlîlerine iʻlâm olundu. Bâkī fermân men-lehü’l-emrindir. Fi’l-yevmi’r-râbiʻ ve’l-ışrîn min-Cemâziyelevvel sene 1160