Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 188 Hüküm no: 218 Orijinal metin no: [23b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Başkalarının evine izinsiz giren es-Seyyid Ali Beşe’nin cezalandırılması Maʻrûz; Medîne-i Eyüb el-Ensârî’de Süleyman Subaşı Mahallesi İmamı el-Hâc Salih Efendi ve müezzini ve cemâʻatlerinden müseccelü’l-esâmî Müslimîn meclis-i şerʻ-i şerîfde ahz ve ihzâr olunup zikr-i âtî husûsu münkir olan es-Seyyid Ali Beşe b. Ömer nâm kimesne muvâcehesinde târîh-i iʻlâm gecesi baʻde’l-mağrib mahâll-i mezbûrede müsteciren sâkine Âişe nâm ecnebiye yine menzilinde bulunmayıp menzil-i merkūm hâli olduğu hâlde işbu mezbûr es-Seyyid Ali Beşe derûn-ı menzilde ahz olunmuşdur deyü her birileri haber vermeleriyle mezbûr es-Seyyid Ali Beşe tedîb olunması bâbında iltimâslarıyla Eyüb mahkemesinde tescîl etdirdikleri huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâbiʻ ve’l-ışrîn Cemâziyelevvel sene sittin ve miʼe ve elf.