Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 189 Hüküm no: 219 Orijinal metin no: [23b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Leblebici Mehmed’i bıçakla yaralayan Hasan b. Mustafa’nın cezalandırılması Maʻrûz; Leblebici tâifesinden işbu bâʻisü’l-iʻlâm Mehmed b. İbrahim nâm kimesne meclis-i şerʻde Yarık Burgos ustası Memiş Usta maʻrifetiyle ihzâr olunan Hasan b. Mustafa nâm kimesne muvâcehesinde mezbûr Hasan bundan akdem Karfa karyesi havâlîsinde yoluma gider iken üzerime hücûm ve beni bi-gayr-ı hakkın darb, ba‘dehû yatırıp katl kasdıyla bıçak çektiğinde üzerimize adam erişmekle halâs bulmuş idim deyü daʻvâ etdikde mezbûr Hasan darbeylediğini ikrâr ve bıçak çekip katl kasdında olduğunu baʻde’l-inkâr müddeʻî-i mezbûr Mehmed müddeʻâsını şuhûd-ı udûlden Zülfikar b. Abdullah ve İsmail b. Mehmed nâm kimesneler şehâdetleriyle isbât etmeğin mûcebiyle mezbûr Hasan’a taʻzîr-i şedîd ve hapis lâzım geldiği Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 28 Cemâziyelevvel sene 1160