Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 203 Hüküm no: 248 Orijinal metin no: [27b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdülkadir Beşe b. Mahmud’un Davud Ağa b. Hasan’a olan borcunu ödemesi Maʻrûz; Mahmiye-i İstanbul’da el-Hâc Muhyiddin Mahallesi avârızına mevkūf nukūdun mütevellîsi bâʻisü’l-iʻlâm Davud Ağa b. Hasan nâm kimesne Edirnekapısı yasakcısı mübâşeretiyle Eyüb mahkemesine ihzâr-ı şerʻ [etdir]diği Abdulkādir Beşe b. Mahmud muvâcehesinde mezbûr Abdulkādir Beşe zimmetinde mâl-ı vakıfdan yirmi guruş bir zolota altunu taleb ederim [deyü] daʻvâ etdikde ol dahi ancak on guruş deyni olduğunu ikrâr ve mâʻadâyı inkâr, ikrârı mertebesi olan on guruşu mütevellî-i mezbûra edâya mezbûr Abdulkādir’e baʻde’t-tenbîh ve münkir olduğu mâʻadâyı beyân içün şâhide havâle olunduğu baʻde’t-tescîl bi’l-iltimâs huzûr-ı âlîlerine iʻlâm olundu. Fî gurre-i Recebi’l-ferd sene [11]60