Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 203 Hüküm no: 249 Orijinal metin no: [27b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ermeni Toros’un mescidin yakınındaki evden çıkarılması Maʻrûz; Medîne-i Eyüb’de Baba Haydar-ı Nakşibendî Mahallesi ahâlîlerinden müseccelü’l-esâmî Müslimîn ihzâr-ı şerʻ etdirdikleri Toros v. Sahak nâm Ermeni muvâcehesinde mezbûr Toros Ermeni mahalle-i mezbûrede vâkiʻ mescid-i şerîf kurbünde olup kalîl-i cemâʻate sebep olmağın bundan akdem bâ-fermân-ı âlî ihrâc olunan menâzil ashâbından olmağın mezbûr Toros Ermeni menzil-i mezkûrda süknâ kasdıyla hufyeten eskāl nakl eyledi, ihrâc olunup süknâdan menʻ olunması matlûbumuzdur dediklerinde mesfûr Toros Ermeninin mukaddemâ sâdır olan fermân-ı âlîye imtisâlen menzil-i mezkûrdan ihrâc olunmak bâbında fermân-ı âlî niyâzında oldukları baʻde’t-tescîl huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’t-tâsiʻ min-Recebi’l-ferd sene sittin ve miʼe ve elf.