Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 214 Hüküm no: 272 Orijinal metin no: [29b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yorgi zimmînin el-Hâc İbrahim’e olan borcunu ödemesi Maʻrûz; İşbu bâʻisü’l-iʻlâm el-Hâc İbrahim b. İbrahim nâm kimesne Eyüb mahkemesine ihzâr etdirdiği Yorgi v. Sava nâm zimmî ile terâfuʻ etdiklerinde mesfûr Yorgi zimmetinde yedimden ahz etdiği üç aded evrâk-ı cizye semeninden on yedi guruş on para hakkım vardır taleb ederim deyü daʻvâ ol dahi ber-vech-i muharrer ikrâr lâkin emriyle gāib ani’l-meclis şerîki es-Seyyid Mustafa’ya verdim deyü eylediği defʻini müddeʻî-i mezbûr el-Hâc İbrahim baʻde’l-inkâr mesfûr Yorgi defʻini isbâtdan izhâr-ı acz edip tâlib-i tahlîf dahi olmamağla meblâğ-ı mezbûru müddeʻî-i mezbûr el-Hâc İbrahim’e edâ ve teslîm etmek üzere ikrârına binâʼen mesfûr Yorgi zimmîye tenbîh-i şerʻî-birle tescîl olunup bi’l-iltimâs huzûr-ı âlîlerine iʻlâm olundu. Fî 24 şehr-i Rebîʻülevvel sene 1160