Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 214 Hüküm no: 271 Orijinal metin no: [29b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Markar zimmînin Terzi Takor’a olan borcunu ödemesi Maʻrûz; Terzi tâifesinden hâmilü’l-iʻlâm Takor nâm zimmî Eyüb mahkemesinde meclis-i şerʻ-i hatîrde Markar nâm zimmî muvâcehesinde mesfûr Markar zimetinde cihet-i karz-ı şerʻîden otuz guruş hakkı olduğu lede’l-murâfaʻa mezbûr Markar zimmînin ikrârıyla sâbit olmağın mûcebiyle meblâğ-ı mezbûr otuz guruşun edâsıyla mezbûr Markar zimmî ilzâm olunduğu tescîl olunup huzûr-ı âlîlerine iʻlâm olundu. Fî 23 Rebîʻülevvel sene 1160