Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 323 Hüküm no: 505 Orijinal metin no: [52a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kosta v. Mişo’nun bıçağını gasbeden Yanko ile dört guruş karşılığında anlaştığı Maʻrûz-ı dâʻî-i Devlet-i aliyyeleridir ki; Duvarcı tâifesinden Kosta v. Mişo nâm zimmî meclis-i şerʻde ashâbü’l-iʻlâm Gordiyo v. Georgi ve Yanko v. Dimo ve Taryan v. Nedelko muvâcehelerinde sekiz gün mukaddem Servi Mahallesi nihâyetinde Dörtyolağzı başında mesfûrûn bana müsâdif etdiklerinde işbu merkūm Yanko yedi guruş kıymetli bir sim kabzalı bıçağımı gasben ahz eyledi deyü daʻvâ onlar dahi bi’l-külliye baʻde’l-inkâr tavassut-ı muslihûn ile daʻvâlarından dört guruş bedel-i <> makbûza an-inkâr merkūm Yanko ile sulh olup her biri âharın zimmetlerini ibrâ ve iskāt edip katʻ-ı nizâʻ etdikleri Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân men-lehü’l-emrindir. Fi’l-yevmi’s-sânî min-Cemâziyelevvel sene ihdâ ve sittin ve miʼe ve elf.