Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 323 Hüküm no: 506 Orijinal metin no: [52a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süleyman’ın 10 gün içinde mahallesini terk edeceğine dair söz verdiği Maʻrûz-ı dâʻî-i Devlet-i aliyyeleridir ki; Medîne-i Eyüb’de Emir Buhârî Mahallesi’nde üç seneden beri sâkin olan Süleyman nâm kimesne meclis-i şerʻde işbu ashâb-ı iʻlâm mahalle-i mezbûre ahâlîsinden eş-Şeyh Mustafa Efendi ve Müezzin Mustafa Halîfe ve Ali Beşe ve Hasan Beşe ve el-Hâc Ahmed ve Mehmed ve İsmail ve Mustafa ve diğer Ali nâm kimesneler muvâcehelerinde merkūmûn benden ...? kendinden hoşnûd ve râzı değilleriz deyü iştikâ ve ihrâcı iltimâs etdiklerinde ben dahi târîh-i iʻlâmdan on güne değin mahalle-i mezbûreden nakl etmek üzere taʻahhüd eyledim dediğimi iltimâsları medîne-i mezbûre mahkemesinde tescîl olunup bi’l-iltimâs huzûr-ı âlîlerine iʻlâm olundu. Fermân men-lehü’l-emrindir. Fî gurre-i Cemâziyelevvel li-sene ihdâ ve sittin ve miʼe ve elf.