Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 326 Hüküm no: 513 Orijinal metin no: [52b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan Beşe’nin kefaletten dolayı olan borcunu ödemesi Maʻrûz-ı Devlet-i aliyyeleridir ki; Bâʻisü’l-iʻlâm Mustafa Beşe b. İsmail nâm kimesne Eyüb mahkemesine ihzâr etdirdiği Hasan Beşe b. Mehmed muvâcehesinde mezbûr Hasan Beşe zimmetinde cihet-i kefâletden yirmi bir guruş hakkım vardır taleb ederim deyü baʻde’d-daʻvâ ve’l-ikrâr alâ-mûceb-i ikrârihi meblâğ-ı mezbûr yirmi bir guruşu merkūm Mustafa Beşe edâya mezbûr Hasan Beşe’ye tenbîh olunduğu baʻde’t-tescîl huzûr-ı âlîlerine iʻlâm olundu. Bâkī fermân men-lehü’l-emrindir. Fi’l-yevmi’l-hâmis aşer min-Cemâziyelevvel li-sene ihdâ ve sittin ve miʼe ve elf.