Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 327 Hüküm no: 515 Orijinal metin no: [52b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Beşe’nin borcunu ödemesi Maʻrûz-ı dâʻî-i Devlet-i aliyyeleridir ki; Ekmekci tablakârı işbu bâʻisü’l-iʻlâm Ebûbekir b. Mehmed nâm kimesne Eyüb mahkemesine ihzâr etdirdiği Mumcu İbrahim Beşe b. Ebûbekir muvâcehesinde mezbûr İbrahim Beşe zimmetinde iki ay mukaddem yedimden ahz eylediği nân-ı azîz bahâsından on beş guruş hakkım zimmetinde kalmağla taleb ederim deyü daʻvâ ol dahi tamamen verdim deyü e[td]iği defʻini münkir-i müddeʻî-i mezbûr muvâcehesinde beyân edememekle talebiyle mezkûr Ebûbekir Beşe ba‘de’t-tahlîfü’ş-şer‘î mûcebiyle meblâğ-ı mezbûr on beş guruşu müddeʻî-i mezbûr Ebûbekir Beşe’ye edâya mezbûr İbrahim Beşe’ye tenbîh olunduğu medîne-i mezbûre mahkemesinde baʻde’t-tescîl bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâdis min-Cemâziyelevvel li-sene ihdâ ve sittin ve miʼe ve elf.