Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 327 Hüküm no: 516 Orijinal metin no: [52b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bıçakcı Ergiri’nin ölen kardeşi Tanaş’ın terekesine el koyduğu iddiâsıyla Bahçıvan Ustoyko aleyhine açtığı davadan vazgeçtiği. Maʻrûz-ı dâʻî-i Devlet-i aliyyeleridir ki; Sâhib-i arzuhâl Bıçakcı Ergiri v. Dimo meclis-i şerʻde derûn-ı arzuhâlde ismi mezkûr ihzâr-ı şerʻ olunan Bahçıvân Ustoyko v. Yorgi muvâcehesinde merkūm Ustoyko zimmînin bahçesinde hizmetkârı olup hasran vârisi olduğum karındaşım Tanaş zimmî mürd olup tereke-i menkūlesin merkūm Ustoyko zabt ve ketm ve ihfâ eyledi deyü taleb-i daʻvâ sadedinde iken baʻde vukū‘ı’l-münâzaʻa tavassut-ı muslihûn ile daʻvâ-yı mezkûremden yirmi guruş bedel-i makbûza mesfûr Ustoyko ile an-inkâr baʻde’s-sulh husûs-ı mezbûra müteʻallika daʻvâdan mezbûr Ustoyko’nun ol dahi bedel-i sulh nâmına medfûʻu olan meblâğ-ı mezbûr yirmi guruş mütâlebesinden birbirlerimizin zimmetlerini ibrâ ve iskāt eyledik dedikde ol dahi baʻde’t-tasdîk tescîl olunup mübâşirleri Mehmed Çavuş iltimâsıyla huzûr-ı âlîlerine iʻlâm olundu. Fi’l-yevmi’s-sâmin aşer min-Cemâziyelâhir sene ihdâ ve sittin ve miʼe ve elf.