Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 332 Hüküm no: 526 Orijinal metin no: [53a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çakılcı Mehmed’in borcunu ödemesi Maʻrûz-ı dâʻî-i Devlet-i aliyyeleridir ki; Ekmekci tâifesinden hâmilü’l-iʻlâm Manas nâm zimmî meclis-i şerʻa ihzâr-ı şerʻ etdirdiği Çakılcı Mehmed nâm kimesne ile terâfuʻlarında merkūm Mehmed zimmetinde müctemiʻ nân-ı azîz bahâsından on bir buçuk guruş hakkım olmağla taleb ederim deyü daʻvâ eyledikde ol dahi ber-vech-i muharrer müddeʻî-i mezbûr Manas zimmîye edâsı lâzım deyni olduğunu ikrâr ve iʻtirâf etmeğin mûcebiyle meblâğ-ı mezbûr on bir buçuk guruşu müddeʻî-i mezbûr Manas zimmîye edâ ve teslîme merkūm Mehmed’e tenbîh olunduğu Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâmin ve’l-ışrîn min-Cemâziyelevvel li-sene ihdâ ve sittin ve miʼe ve elf.