Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 332 Hüküm no: 527 Orijinal metin no: [53a-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Ali’nin kaza ile karısı Hatice Hatun’un ölümüne sebep olduğu ve açılan davada sulh olduğu Terkos’tan, Ormanlı karyeden katl. Maʻrûz-ı dâʻî-i Devlet-i aliyyeleridir ki; Havâss-ı refîʻa muzâfâtından Terkos nâhiyesine tâbiʻ Ormanlı nâm karyesinde cerîhan katl olunan Hatice bt. Mehmed nâm hatunun veresesinden babası merkūm Mehmed Beşe b. Mustafa nâm kimesne Ağakapısı tarafından Mumcu İbrahim Beşe mübâşeretiyle Eyüb mahkemesine ihzâr etdirdiği müteveffiye-i mezbûrenin zevci Seyyid Ali ile terâfuʻlarında merkūm Mehmed Beşe kızım müteveffât-ı mezbûrenin zevci merkūm es-Seyyid Ali tüfengini siler iken boşanıp kızım müteveffât-ı mezbûreye isâbet ve hatâʼen katl eyledi deyü tasaddî eylediği daʻvâsından bundan akdem Terkos Nâibi Mehmed Selim Efendi huzûrunda iʻtâ eylediği hüccet mantûku üzere diyet-i berʼ-i kâmile ve mehrinden seksen guruş bedel-i makbûza sulh ve ibrâsını mezbûr es-Seyyid Ali şuhûd-ı udûlden karye-i mezbûre ahâlîsinden Ahmed b. Mustafa ve Hasan b. Osman nâm kimesneler şehâdetleriyle babası müddeʻî-i merkūm Mehmed Beşe muvâcehesinde vech-i şerʻî üzere baʻde’l-isbât ol vechile bî-vech muʻârazadan menʻ olunduğu tescîl ve mübâşir-i merkūm iltimâsıyla huzûr-ı âlîlerine iʻlâm olundu. Fi’l-yevmi’s-sâmin ve’l-ışrîn min-Cemâziyelevvel li-sene ihdâ ve sittin ve miʼe ve elf.