Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 335 Hüküm no: 533 Orijinal metin no: [53b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ermeni Rasit’in alacaklı olduğu yolundaki iddiâsını ispatlayamadığı Maʻrûz-ı dâʻî-i Devlet-i aliyyeleridir ki; Medîne-i Eyüb’de Ermeni odalarında mütemekkin Rasit v. Bargam meclis-i şerʻde hâmilü’l-iʻlâm Serkiz v. <> Kiragor nâm zimmî muvâcehesinde merkūm Serkiz yedi sene mukaddem oğlum işbu hâzır bi’l-meclis Tavkur zimmîye taʻlîl [taʻlîm-i] İncil ve kitâb etdirmek [üzere] yirmi beş guruşa mukāvele ve emretmekle ben dahi bir buçuk sene taʻlîm-i İncil ve kitâb etdirmemle kavlimiz üzere meblâğ-ı mezbûru taleb ederim deyü müddeʻâsını münkir-i merkūm Serkiz muvâcehesinde isbât edememekle talebiyle mesfûr Serkiz baʻde’t-tahlîf mûcebiyle bilâ-beyyine bî-vech muʻârazadan menʻ olunduğu medîne-i mezbûre mahkemesinde baʻde’t-tescîl bi’l-iltimâs huzûr-ı âlîlerine iʻlâm olundu. Fermân men-lehü’l-emrindir. Fi’l-yevmi’s-sâlis min-Cemâziyelâhir li-sene ihdâ ve sittin ve miʼe ve elf.