Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 335 Hüküm no: 532 Orijinal metin no: [53b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Süleyman’ın alacağını kefilden tahsili Maʻrûz-ı dâʻî-i Devlet-i aliyyeleridir ki; Bâʻisü’l-iʻlâm Mustafa b. Süleyman meclis-i şerʻde Hüseyin b. el-Hâc İbrahim muvâcehesinde babası müteveffâ-i mezbûr el-Hâc İbrahim zimmetinde karzdan olan sekiz guruş hakkımın edâsına oğlu mezbûr Hüseyin kefîl olmağla hatta üç gün mukaddem vech-i muharrer üzere ikrâr dahi etmiş idi deyü müddeʻâsını şuhûd-ı udûl ile münkir-i mezbûr muvâcehesinde alâ-vechi’ş-şerʻî isbât etmekle mûcebiyle meblâğ-ı mezbûr sekiz guruşun edâsıyla mezbûr Hüseyin ilzâm olunduğu medîne-i Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Fermân men-lehü’l-emrindir. Fi’l-yevmi’s-sânî min-Cemâziyelâhir li-sene ihdâ ve sittin ve miʼe ve elf.