Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 336 Hüküm no: 535 Orijinal metin no: [53b-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Beşe’nin borcunu ödemesi Maʻrûz-ı dâʻî-i Devlet-i aliyyeleridir ki; Bâʻisü’l-iʻlâm Mustafa b. Süleyman meclis-i şerʻde İbrahim Beşe b. Mehmed muvâcehesinde mezbûr İbrahim Beşe zimmetinde cihet-i deyn-i şerʻîden on beş guruş hakkım vardır taleb ederim deyü daʻvâ etdikde ol dahi ber-vech-i muharrer ikrâr ve iʻtirâf etmekle alâ-mûcib-i ikrâr meblâğ-ı mezbûr on beş guruşun edâsıyla mezbûr İbrahim baʻde’l-ilzâm Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Fermân men-lehü’l-emrindir. Fi’l-yevmi’s-sâmin min-Cemâziyelâhir li-sene ihdâ ve sittin ve miʼe ve elf.