Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 336 Hüküm no: 536 Orijinal metin no: [53b-9] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zafiri’yi kılıcı ile darbeden Mehmed b. Ali’nin cezalandırılması Maʻrûz-ı dâʻî-i Devlet-i aliyyeleridir ki; Hâmilü’l-iʻlâm Zafiri v. İstavronoz meclis-i şerʻde Mehmed b. Ali muvâcehesinde mezbûr Mehmed Beşe medîne-i Eyüb’de Taşlıburun nâm mahalde üzerime hücûm ve bi-gayr-ı hakkın amden sol omuzum başını kılıç ile darbeyledi deyü müddeʻâsını mezbûr Mehmed Beşe ikrâr ve iʻtirâf etmekle alâ-mûcib-i ikrârihi mezbûr Mehmed Beşe’ye şerʻan taʻzîr lâzım geldiği medîne-i Eyüb mahkemesinde baʻde’t-tescîl bi’l-iltimâs huzûr-ı âlîlerine iʻlâm olundu. Fermân men-lehü’l-emrindir. Fi’l-yevmi’l-âşir min-Cemâziyelâhir li-sene ihdâ ve sittin ve miʼe ve elf.