Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 340 Hüküm no: 544 Orijinal metin no: [54a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Cesedi bulunan Taşcı Mito’nun öldürüldüğünün tespiti Maʻrûz-ı dâʻî-i Devlet-i aliyyeleridir ki; Sâdır olan fermân-ı âlîlerine imtisâlen savb-ı şerʻ-i enverden irsâl olunan Mevlânâ Mehmed Efendi, İzzetlü bostancıbaşı ağa taraflarından taʻyîn olunan Çukadâr Ali bendeleri ile Havâss-ı aliyye kazâsına tâbiʻ Makrihorya <> karyesi kurbünde Kartaltepesi demekle arîf mevziʻa karib Ahmed Ağa tarlası kenarında karye-i mezbûra giden tarîk üzerinde mevcûd taşcı zümresinden Mito nâm zimmî lâşesi üzerine varıp hâzır olan Müslimîn ile aʻzâsına nazar etdiklerinde âlet-i câriha ile arkasından beli ortasından darb ve yine arkasından sağ küreği üstünden şiş ile darb ve sağ memesi üstünden omuz? ve göbeği üstünden bir yerinden ve sol memesi altından iki yerden darb ve cerh olunup tesirlerinden nâşî hâlik olduğu baʻde’l-muʻâyene ve’l-keşf laşesini zîr-i hâke idhâle izin-birle vâkiʻ hâli mevlânâ-yı mezbûr mahallinde baʻde’t-tahrîr ba‘dehû mürsel ümenâ-i şerʻle meclis-i şerʻa gelip alâ-vukūʻıhî inhâ ve takrîr eyledikleri baʻde’t-tescîl bi’l-iltimâs huzûr-ı âlîlerine iʻlâm olundu. Fermân men-lehü’l-emrindir. Fî 20 Cemâziyelâhir sene 1161