Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 340 Hüküm no: 545 Orijinal metin no: [54b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rukiye Hatun’un bulunduğu mahalleyi terk etmek üzere taahhüdde bulunduğu Maʻrûz-ı dâʻî-i Devlet-i aliyyeleridir ki; Medîne-i Ebâ Eyüb Ensârî’de Davud Ağa Mahallesi’nde mülk menzili olmayıp kirâ ile sâkin derûn-ı arzuhâlde mastûrü’l-ism Rukiye nâm hatun dil-azâr olmağla hetk-i ırz etmekden hâlî değildir deyü sâkine olduğu ashâb-ı mahallesi imamı ve cemaʻat-i Müslimînin bi’l-muvâcehe iştikālarına binâʼen mezbûre Rukiye Hatun târîh-i iʻlâmdan sekiz gün tamamında çıkıp rızâsıyla âhar mahalleye nakletmek üzere müteʻahhid olduğu baʻde’t-tescîl huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 21 Cemâziyelâhir sene 1161