Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 340 Hüküm no: 546 Orijinal metin no: [54b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Beşe’nin alacağını tahsîli Maʻrûz-ı dâʻî-i Devlet-i aliyyeleridir ki; Bâʻisü’l-iʻlâm Mehmed Beşe b. Mustafa meclis-i şerʻde Artin v. Gabril ve şerîki Hürmüz v. Agop nâm zimmîler muvâcehelerinde merkūm zimmîler zimmetlerinde cihet-i karz-ı şerʻîden otuz üç guruş hakkım mukābelesinde rehin olmak üzere yedimde olan iki zirâʻ al ve bir buçuk zirâʻ mavi iki parça çukalarını kendilere teslîm ve kabz etmeleriyle cihet-i mezbûreden meblâğ-ı mezbûr otuz üç guruş hakkımı taleb ederim deyü baʻde’d-daʻvâ mesfûrân Artin ve Hürmüz zimmîlerden her biri vech-i muharrer üzere ikrâr ve iʻtirâf etmeleriyle mûcebince meblâğ-ı mezbûrun edâsıyla merkūmân zimmîler ilzâm olunduğu medîne-i Eyüb mahkemesinde baʻde’t-tescîl bi’l-iltimâs huzûr-ı âlîlerine iʻlâm olundu. Fî 21 Cemâziyelâhir sene 1161