Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 346 Hüküm no: 559 Orijinal metin no: [55a-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mahmud Ağa’nın borcunu ödemesi Maʻrûz; İşbu bâʻisü’l-iʻlâm es-Seyyid İsmail Beşe nâm kimesne meclis-i şerʻ-i hatîrde ihzâr etdirdiği Mahmud Ağa nâm kimesne muvâcehesinde mezbûr Mahmud Ağa zimmetinde cihet-i karz-ı şerʻîden yirmi beş guruş hakkım vardır taleb ederim deyü baʻde’d-daʻvâ ve’l-ikrâr alâ-mûcib-i ikrârihi meblâğ-ı merkūm yirmi beş guruşun edâsına mezbûr Mahmud Ağa’ya tenbîh olunduğu medîne-i Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Fermân men-lehü’l-emrindir. Fî 2 Receb sene 1161