Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 346 Hüküm no: 560 Orijinal metin no: [55b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan Beşe’nin Gosbidin v. İlya’dan satın aldığı kara sığır öküzünün ayıbının kendi kullanımından meydana geldiği Maʻrûz; Ayas Ağa karyesinden Hasan Beşe b. Mehmed işbu râfiʻul-iʻlâm Gosbidin v. İlya nâm zimmî muvâcehesinde târîh-i iʻlâmdan beş gün mukaddem mesfûr Gosbidin zimmîden yirmi üç guruşa iştirâ eylediğim bir reʼs kara sığır öküzünün ayıbı zuhûr etmekle mesfûr Gosbidin zimmîden suâl olunup reddolunması murâdımdır deyü baʻde’d-daʻvâ ve’l-istintak mesfûr Gosbidin cevâbında mârru’z-zikr öküzü mezbûr Hasan Beşe beş gün âʻmâl edip onun taʻaddîsinden nâşî ayıb zuhûr eyledi deyü defʻ-i meşrûhunu müddeʻî-i mezbûr Hasan Beşe tasdîk etmekle bî-vech-i şerʻî mesfûr Gosbidin zimmî muʻârazadan menʻ olunduğu medîne-i Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 3 Receb sene 1161