Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 352 Hüküm no: 570 Orijinal metin no: [56b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emetullah Hatun’a kocasına karşı görevini yerine getirmesi konusunda tenbihte bulunulduğu Maʻrûz; İşbu bâʻisü’l-iʻlâm nüvvâbdan Süleyman Efendi zevce-i menkûhası olup ihzâr olunan Emetullah nâm hatun ile Eyüb mahkemesinde meclis-i şerʻde terâfuʻlarında zevcem mezbûre Emetullah bi-gayr-ı vechin ezvâc muʻâmelesinden ibâ eder baʻde’s-suâl tenbîh-i şerʻî olunmak murâdımdır deyü baʻde’d-daʻvâ mezbûre Emetullah dahi ber-vech-i muharrer muʻterife olmağla mûcebiyle ezvâc muʻâmelesinden ibâ <> eylememek üzere mezbûre Emetullah’a tenbîh-i şerʻî-birle tescîl olunduğu bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sânî aşer min-Recebi’l-ferd li-sene ihdâ ve sittin ve miʼe ve elf.