Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 351 Hüküm no: 569 Orijinal metin no: [56b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Ayşe Hatun’un kiracısı Ahmed ile biriken kira alacakları konusunda anlaşmaya vardığı Maʻrûz; Sâhib-i arzuhâl Ahmed’in hasmı olup derûn-ı arzuhâlde mezkûretü’l-ism Şerife Emine nâm hatun merkūm Ahmed ile Çarşamba günü Dîvân-ı âlîlerinde ba‘dehû Eyüb mahkemesinde meclis-i şerʻde terâfuʻlarında medîne-i mezbûrede Düğmeciler Mahallesiʼnde vâkiʻ mâlike olduğum menzilimde beher şehr ikişer guruş ücret ile sâkin olduğu sekiz buçuk senelik zimmetinde müctemiʻ olan iki yüz dört guruş menzil ücretini merkūm Ahmed’den daʻvâ eylediğimde ol dahi müddeʻî-i mezbûrenin menzilinde ancak beş sene âriyet vechile sâkin olmuş idim deyü mûcebiyle beynlerimizde münâzaʻât-ı kesîre vukūʻundan sonra tavassut-ı muslihûn ile ücret-i menzil daʻvâsından müddeʻiye-i mezbûre Şerife Emine Hatun merkūm ile otuz beş guruş bedel-i makbûza sulh olup mâʻadâ mütâlebesinden merkūm Ahmed’in zimmetini ibrâ ve iskāt eyledim dedikde ol dahi baʻde’t-tasdîk mübâşirleri İsmail Çavuş kulları iltimâsıyla huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’l-hâdî aşer min-Recebi’l-ferd li-sene ihdâ ve sittin ve miʼe ve elf.