Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 359 Hüküm no: 586 Orijinal metin no: [57b-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vasî tayin edildiğini iddiâ eden Bakkal Hristodi’nin davasını ispatlayamadığı Maʻrûz; Havâss-ı refîʻa kazâsına tâbiʻ Makrihorya karyesi mütemekkinelerinden iken hâlike olan Laluda nâm Nasrâniyenin derûn-ı arzuhâlde mezkûratü’l-ism Bakkāl Hristodi hâlik-i mezbûrenin medyûnu Bakkāl Apostol zimmî muvâcehesinde mezbûre Laluda Nasrâniye helâkinden kırk altı gün mukaddem sülüsünü tenfîze beni vasiyy-i muhtâr nasb u taʻyîn eyledi deyü daʻvâ ve mezbûr Apostol zimmî muvâcehesinde vech-i şerʻî üzere baʻde’l-isbât hâlike-i mezbûre Laluda Nasrâniyenin karındaşı ve hasran vârisi sâhib-i arzuhâl Yorgi zimmî zuhûr edip kız karındaşım mezbûre Laluda Nasrâniye helâkinden iki gün mukaddem merkūm Hristodi’yi vesâyetden azl ve ihrâc ve ber-vech-i muharrer beni vasiyy-i muhtâr nasb u taʻyîn ve musırran alâ-îsâʻihâ hâlike oldu deyü daʻvâ eyledikde mezbûr Bakkāl <> Hristodi Çarşamba günü Dîvân-ı âlîlerinde istimâʻ [58a] iltimâsı içün fermân-ı âlî ısdâr ve havâle olundukdan sonra merkūm Hristo[di] zimmî dahi muhâkemelere gidip daʻvâ-yı tezvîr ile şirrete sülûk eylediği huzûr-ı devlet-i aliyyelerine iʻlâm olundu. Fermân hazret-i veliyyü’l-emrindir. Fî 20 min-Recebi’l-ferd sene 1161