Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 365 Hüküm no: 597 Orijinal metin no: [59a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmü Gülsüm Hatun’un şikâyetçi olduğu Yusuf Beşe’nin iyi hâline komşularının şahitlik edip kefil oldukları Maʻrûz; Havâss-ı aliyye kazâsında bâb mahkemesine tâbiʻ Kiteli nâm karye sâkinelerinden sâhibe-i arzuhâl Ümmü Gülsüm nâm hatun meclis-i şerʻde karye-i mezbûrede sâkin derûn-ı arzuhâlde mezkûr Yusuf Beşe nâm kimesneden arzuhâlinde tahrîr olunduğu üzere eylediği iştikâsında bu vakte değin mezbûr Yusuf Beşe’nin hilâf-ı vazʻı sud[û]r [ve] zuhûr etmeyip kendi hâlinde biliriz deyü karye-i mezbûre İmamı Hasan Efendi ve ahâlî-i karyeden Şuayb b. Mehmed ve Ali Beşe b. Ahmed ve İsmail b. Veliyüddin nâm kimesneler hüsn-i hâlini haber verdiklerinden sonra müddeʻiye-i mezbûre ve zevcine zarâr ve ziyân erişmemek üzere mezbûr Yusuf’un nefsine ve lede’l-mutâlebe huzûr-ı hükkâm-ı kirâma ihzârına her birleri kefîl olmalarıyla müddeʻiye-i mezbûre dahi daʻvâsından fâriğa olup katʻ-ı nizâʻ eyledikleri bi’t-terâzî Eyüb mahkemesinde tescîl olunup huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 28 min-Recebi’l-ferd sene 1161