Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 365 Hüküm no: 598 Orijinal metin no: [59a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Osman’ın alacaklı olduğu yolundaki iddiâsını ispatlayamadığı Maʻrûz; Medîne-i Eyüb sûkunda bakkal tâifesinden Osman nâm kimesne Çiftalan karyesi ahâlîsinden işbu bâʻisü’l-iʻlâm Uzun Ali nâm kimesne ile terâfuʻlarında meʼkûlât bahâsından baʻde’l-hesâb yirmi iki guruş gāib ani’l-meclis Cafer nâm kimesne zimmetinde hakkım olup gāib-i mezbûr Cafer benim gıyâbımda bana edâsı lâzım meblâğ-ı mezbûru havâle etmekle binâʼen-aleyh taleb ederim deyü eylediği takrîr daʻvâsında üçü bir meclisde hâzır olmamağla havâlenin adem-i sıhhatine binâʼen daʻvâsı meşrûʻ olmayıp mezbûr Uzun Ali’ye suâl dahi teveccüh eylemediği tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 21 min-Recebi’l-ferd sene 1161