Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 375 Hüküm no: 618 Orijinal metin no: [61a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Avram v. Yuda’yı katleden ve kısastan kurtulan Bihori’nin maktûlün küçük çocuklarına nafaka ödeyebilmesi için sefîne-i sultaniyelerden birine bedel karşılığı konulması Maʻrûz; Derûn-ı arzuhâlde mezkûr cerîhan ve katîlen hâlik olan Avram v. Yuda v. Salamon nâm maktülün inhisârı inde’ş-şerʻ zâhir ve mütehakkık olan veresesinden zevce-i metrûkesi ve sulbî oğlu Yuda ve kızı Sara nâm sagīrlerin anaları ve vasîleri zevce-i merkūme Lona ile babası Yuda ve anası Sara her biri bi’l-asâle ve’l-vesâye Çarşamba günü Dîvân-ı Sadr-ı Âsafî’de maʻkūd meclis-i şerʻ-i âlîde maktûl-i mesfûrun kātili derûn-ı arzuhâlde mezkûr Bihori ile lede’t-terâfuʻ ve’l-istintak verese-i kibârı bâ-iʻlâm mahkûmün-bih müteʻayyen olan kātil-i mesfûru kısâsdan affetmeleriyle mûcib-i diyet olup kibârı diyetden hisse dahi mütâlebe etmeyip sagīrân-ı mezbûrânın nafaka ve kisvelerine vâfî mâl-ı mevrûsları olmayıp ihtiyâcları olmağla ve kātil-i mesfûrun diyet vermeye adem-i kudreti dahi olduğundan nefʻan-li’l-yetim sefîne-i Sultaniyeden birine bedel ile vazʻ ve bedel-i mezbûrdan istîfâ-yı hak oluncaya değin sagīrân-ı mezbûrânın infâk ve iksâ-i havâic-i zarûriyyelerine sarf olunmak haklarında evlâ ve enfaʻ olmağın ol bâbda emr-i âlîleri sudûrunu istidʻâ-yı inâyet eyledikleri maʻlûm-ı devlet-i aliyyeleri buyruldukda bâkī fermân hazret-i veliyyü’l-emrindir. Fî 5 min-Şaʻbân sene 1161