Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 377 Hüküm no: 623 Orijinal metin no: [61b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dîdebân İsmail’in Angeli v. Dimitri’yi sopa ile darbettiğinin tespit olunduğu Maʻrûz; Havâss-ı refîʻaya tâbiʻ Burgos karyesinde mütemekkin işbu râfiʻu’l-iʻlâm Angeli v. Dimitri nâm zimmî Eyüb mahkemesinde meclis-i şerʻa ihzâr etdirdiği Dîdebân İsmail b. Mustafa nâm kimesne muvâcehesinde târîh-i iʻlâm günü vakt-i zuhrda Çömlekciler sûkunda vâkiʻ bakkal dükkânı önünde kepenk sırığı taʻbîr olunur haşeb-i kebîr ile taraf-ı şerʻden keşf ve muʻâyene olunduğu üzere başımın sol tarafından mezbûr İsmail bi-gayr-ı hakkın amden darb ve cerh etmekle mûcib-i şerʻîsini taleb ederim deyü baʻde’d-daʻvâ ve’l-inkâr müddeʻî-i mesfûr Angeli müddeʻâsını üç nefer şuhûd-ı udûl-i Müslimûn ile ber-vech-i muharrer isbât etmekle berʼ-i tammına tevkīf-birle tescîl olunduğu bi’l-iltimâs huzûr-ı âlîlerine iʻlâm olundu. Fî 10 Şaʻbân sene 1161