Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 378 Hüküm no: 624 Orijinal metin no: [61b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Dimitri’nin Panayot v. Yani’ye olan borcunu ödemesi Maʻrûz-ı dâʻî; Hâmilü’l-iʻlâm Panayot v. Yani meclis-i şerʻde Bakkāl Dimitri v. Kiryazi muvâcehesinde merkūm Dimitri’nin bâ-iʻlâm mahkûmün-bih Ali Ağa’ya olan on iki guruş deynini sen edâ eyle ben sana veririm deyü emr ve tevkîl, ben dahi meblâğ-ı mezbûru ber-vech-i muharrer Ali Ağa’ya edâ eylediğime binâʼen taleb ederim deyü müddeʻâsını münkir-i merkūm muvâcehesinde alâ-vech-i şerʻî isbât etmekle mûcebiyle meblâğ-ı mezbûr on iki guruş edâsıyla merkūm Dimitri zimmî ilzâm olunduğu medîne-i Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Fî 10 Şaʻbân sene 1161