Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 385 Hüküm no: 642 Orijinal metin no: [62b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kostantin v. Yamandi’nin borcunu ödemesi Maʻrûz; Ekmekci tâifesinden Pano v. Mano nâm zimmî Eyüb mahkemesinde meclis-i şerʻ-i hatîre ihzâr etdirdiği Kostantin v. Yamandi nâm zimmî muvâcehesinde mesfûr Kostantin zimmetinde nân-ı azîz semeninden otuz üç guruş otuz dört para hakkım vardır taleb ederim deyü baʻde’d-daʻvâ ve’l-istintak mesfûr Kostantin cihet-i mezkûreden meblâğ-ı merkūm zimmetinde edâsı lâzım deyni olduğunu ikrâr ve iʻtirâf etmekle mûcebiyle meblâğ-ı merkūm otuz üç guruş otuz dört paranın edâsıyla mesfûr Kostantin ilzâm olunduğu baʻde’t-tescîl bi’l-iltimâs huzûr-ı âlîlerine iʻlâm olundu. Fermân hazret-i veliyyü’l-emrindir. Fî 28 min-Şaʻbâni’l-muʻazzam sene 1161