Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 387 Hüküm no: 645 Orijinal metin no: [63a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kostantin v. Tanaş’ın Mehmed Beşe’deki alacağının Mustafa üzerine havâle edildiğini kabul etmesi Maʻrûz; Rençber tâifesinden Kostantin v. Tanaş meclis-i şerʻde bâʻisü’l-iʻlâm Mehmed Beşe b. Yusuf muvâcehesinde mezbûr Mehmed Beşe zimmetinde cihet-i karzdan kırk guruş ile kendine kavlimiz olan hizmet etdiğim bir senede ücret-i müctemiʻa kırk altı guruşdan otuz iki guruş ki cemʻan yetmiş iki guruş daʻvâ, mezbûr Mehmed Beşe dahi husûs-ı mezkûru ikrâr lâkin on ay mukaddem üçümüz bir meclisde mevcûd olduğumuz hâlde meblâğayn-ı mezbûreyn ile merkūm Kostantin zimmîyi gāib ani’l-meclis Mustafa üzerine havâle ol dahi ber-vech-i muharrer havâle-i merkūmeyi kabûl etmişdir deyü eylediği defʻini müddeʻî-i merkūm Kostantin ikrâr ve iʻtirâf etmekle alâ-mûcib-i ikrârihi müddeʻî-i mezbûr Kostantin zimmî bî-vech muʻârazadan menʻ olunduğu medîne-i Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Fî 29 min-Şaʻbân sene 1161