Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 394 Hüküm no: 657 Orijinal metin no: [64b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kadı Yakublu reâyâsından olup Avas köyünde bekcilik yapan İlya’nın bıçak ve kurşun ile katledildiğinin tespit olunduğu Maʻrûz; Sâdır olan fermân-ı âlîleri üzere savb-ı şerʻden irsâl olunan Mehmed Efendi İzzetlü bostancıbaşı ağa tarafından taʻyîn olunan Çukadâr Davudpaşa Ustası Ali Ağa kulları ile Havâss-ı aliyye kazâsında vâkiʻ Avas nâm karyenin bağları bekcisi olup Kadı Yakublu reʻâyâsından mevcûd bulunan İlya nâm maktûlün lâşesi üzerine varılıp hâzırlar olan Müslimîn ile lâşesine nazar etdiklerinde boğazı altından bıçakla ve göbeğinden kurşun ile darb ve cerh ve kurşun arkasından nüfûz ve ol ecilden hâlik olup mahâll-i mezbûrda yatar bulunduğu baʻde’l-muʻâyene ve’l-keşf lâşesini çukura ilkāya izin-birle vâkiʻ hâli mevlânâ-yı mezbûr mahallinde ketb ve tahrîr ve maʻan mürsel ümenâ-i şerʻle meclis-i şerʻa gelip alâ-vukūʻıhî inhâ ve takrîr eyledikleri tescîl olunup huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’r-râbiʻ ve’l-ışrîn min-şehri Ramazani’l-mübârek li-sene ihdâ ve sittin ve miʼe ve elf.