Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 393 Hüküm no: 656 Orijinal metin no: [64b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bostancı Kara Mehmed’in darbedildiği yolundaki iddiâsını ispatlayamadığı Maʻrûz; Medîne-i Eyüb’de Baba Haydar Mahallesiʼnde sâkin Bostanî Kara Mehmed b. Abdullah nâm kimesne meclis-i şerʻde hâmilü’l-iʻlâm Mavridi v. Nedelko nâm zimmî muvâcehesinde merkūm Mavridi târîh-i iʻlâmdan bir gün mukaddem Topçular nâm mahalde vâkiʻ bakkal dükkânında vakt-i asr bi-gayr-ı hakkın amden iki yumruk ile göğsüme darbeyledi deyü eylediği daʻvâsını isbâtdan aczi zâhir olmağla talebiyle merkūm Mavridi ba‘de’t-tahlîfü’ş-şer‘î mûcebiyle bilâ-beyyine bî-vech muʻârazadan menʻ olunduğu medîne-i mezbûre mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 15 min-Ramazan sene 1161