Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 395 Hüküm no: 660 Orijinal metin no: [65a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kağıdhâne karyesindeki köprü civârında bulunan ve boğularak öldüğü anlaşılan zimmî cesedinin gömülmesine izin verildiği Maʻrûz; Derûn-ı arzuhâlde mezkûr olan Kâğıdhâne karyesinin cisrin üst yanında dere içinde yatar bulunan yabancı zimmînin lâşesine taʻyîn buyrulan Ali Haseki kulları, hâlâ Sâdabâd Ustası Ahmed Ağa ve karye-i mezbûre sâkinlerinden sâbıkā usta olan diğer Ahmed Ağa ve Osman Beşe b. Süleyman ve diğer Osman b. Ahmed ve Ali Beşe b. Hüseyin ve Mehmed b. Süleyman nâm kimesneler ile baʻde’n-nazar garîkan hâlik olduğunu meclis-i şerʻde baʻde’l-inhâ çukura ilkāya izin-birle Eyüb mahkemesinde baʻde’t-tescîl mübâşir-i merkūm iltimâsıyla huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâdis min-şehri Şevvâli’l-mükerrem li-sene ihdâ ve sittin ve miʼe ve elf.