Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 445 Hüküm no: 710 Orijinal metin no: [75b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Eyüb’de bulunan Fâtıma Hatun Vakfı’nın iki senelik muhâsebe kaydı Vakf-ı Fâtıma Hatun: Hâslar kādısı fazîletlü efendi hazerâtı nezâret-i aliyyelerinde olan evkāfdan olup medîne-i Eyüb’de el-Hâc Hüsrev Mahallesiʼnde vâkiʻ merhûme Fâtıma Hatun Vakfı’nın bi’l-meşrûta mütevellîsi mahalle-i mezbûre müezzini el-Hâc Hüseyin Halîfe’nin bin yüz seksen dokuz senesi Muharremi’l-harâmı gurresinden doksan Zilhicce’si gāyetine gelince iki senelik îrâd ve mesârifinin görülen muhâsebe defteridir ki; zikr olunur. Mâl-ı vakf-ı mezbûr bâ-muhâsebe-i evvel: 65 guruş Mahsûl ve îcâr der-sene-i kâmile: 1170 guruş Sinîn: 2340 guruş Vazîfe maʻa’l-mesârif: Vazîfe-i tevliyet 75 guruş Vazîfe-i musluk 300 guruş Bahâ-yı âşûrâ 745 guruş Harc-ı muhâsebe 30 guruş Kalemiye 10 guruş Müteferrika 10 guruş Yekûn der-sene-i kâmile 1170 Sinîn 2340 An-mâl-ı vakf-ı mezbûr der-yed-i mütevellî: 65 guruş Vech-i meşrûh üzere mütevellî-i mezbûrun iki senelik muhâsebesi görülüp asl-ı mâl-ı vakf altmış beş guruş olduğu şerh verildi.