Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 445 Hüküm no: 711 Orijinal metin no: [75b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Eyüb’de bulunan Sarâyî Fâtıma Hatun Vakfı’nın iki senelik muhâsebe kaydı Vakf-ı Sarâyî Fâtıma Hatun: Hâslar kādısı fazîletlü efendiler hazerâtı nezâret-i aliyyelerinde olan evkāfdan olup medîne-i Eyüb’de el-Hâc Hüsrev Mahallesiʼnde vâkiʻ Sarâyî Fâtıma Hatun Vakfı’nın bi’l-meşrûta mütevellîsi mahalle-i mezbûr müezzini el-Hâc Hüseyin Halîfe’nin bin yüz seksen dokuz senesi Muharremi’l-harâmı gurresinden doksan Zilhicce’si gāyetine gelince iki senelik îrâd ve mesârifinin görülen muhâsebesi defteridir ki: ber-vech-i âtî zikr olunur. Mâl-ı vakf-ı mezbûr bâ-muhâsebe-i evvel: 114,5 guruş Mahsûl-i murâbahât der-sene-i kâmile 2050 guruş Sinîn 4100 guruş Vazîfe maʻa’l-mesârif: Vazîfe-i imâmet Yevm 3 Fi’r-rakabe sene-i kâmile 630 Vazîfe-i müezzin Yevm 2 Fi’r-rakabe sene-i kâmile 420 Vazîfe-i kitâbet Yevm 2,5 Fi’r-rakabe sene-i kâmile 525 Vazîfe-i tevliyet Yevm 2 Fi’r-rakabe sene-i kâmile 420 Harc-ı muhâsebe 30 guruş Sinîn 60 Kalemiye 10 guruş Sinîn 20 Müteferrika 10 guruş Sinîn 20 Mâl-ı vakf-ı mezbûr der- zimem-i nâs: 114,5 guruş Der-zimmet-i Sâliha Hatun 65 guruş Üç tek bilezik rehindir Der-zimmet-i Çakmakcı İbrahim Beşe 20 guruş Der-zimmet-i Zübeyde Hatun 14,5 guruş Der-zimmet-i mütevellî-i vakf-ı mezbûr 15 guruş Vech-i meşrûh üzere mütevellî-i mezbûrun iki senelik muhâsebesi rüʼyet olundukda îrâd-ı vakıfdan makbûzu dört bin yüz akçenin yüz akçesi harc-ı muhâsebesi fürûʻ-nihâde olundukda bâkī kalan dört bin akçeyi erbâb-ı vezâife ber-vech-i rakabe tevzîʻ olunduğu işbu mahalle şerh verildi.