Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 485 Hüküm no: 754 Orijinal metin no: [85a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice ve Habibe isimli kadınların mahalleye gelmelerine mani olunması Maʻrûz-ı dâʻî-i Devlet-i aliyyeleridir ki; Târîh-i iʻlâm gecesi medîne-i Ebâ Eyüb el-Ensârî’de merhûm İslâm Bey Mahallesi’nde E[l]ekci Ahmedoğulları menzilinde ve Aksaray’da Cerrâhpaşa kurbünde sâkine [Hatice] Habibe nâm avratlar ile ecnebî ve nâ-mahrem olan Hüseyin Beşe ve Debbağ Ali ve mezkûr Elekci Ahmedoğulları Numan ve Abdülbâkī ve Ahmed nâm kimesneleri Vâlidesarayı Ustası Ali Ağa ve mahalle İmamı Osman Efendi ve Müezzin es-Seyyid Feyzullah nâm kimesneler ile menzil-i mezbûrda bir meclisde oldukları hâlde ahz ve meclis-i şerʻa ihzâr ve husûs-ı keyfiyet baʻde’s-suâl birbirlerine ecnebî ve nâ-mahrem olup mekşûfetü’l-vech bir mahalde ahz edildiklerini her birileri iʻtirâflarından sonra mezbûretân Hatice ve Habibe nâm avratlar mahalle-i mezbûreye gelmeyip ve mezbûrûndan her biri dahi kendi hâllerinde ve meskenlerinde ırzlarıyla mukayyed olmak üzere ahd-i mîsâk etdiklerinden sonra sebîlleri tahliye ve tescîl olunduğu bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’l-hâmis min-şehri Recebi’l-ferd li-sene selâse ve sittin ve miʼe ve elf. Sah sah sah sah sah sah sah