Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 488 Hüküm no: 760 Orijinal metin no: [86a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vasil v. Anaştaş’ın darbedildiği yolundaki iddiâsını ispatlayamadığı Maʻrûz-ı dâʻî-i Devlet-i aliyyeleridir ki; Vasili v. Anaştaş nâm zimmî işbu râfiʻu’l-iʻlâm Todoş v. Simaven nâm zimmî muvâcehesinde târîh-i iʻlâm günü vakt-i duhâda Edirnekapısı hâricinde tarîk-i âmda bi-gayr-ı hakkın belime sopa ile darbeyledi mûcib-i şerʻîsini taleb ederim deyü eylediği müddeʻâsını beyândan izhâr-ı acz etmekle talebiyle münkir-i merkūm Todoş zimmî tahlîf-i şerʻî olunup bilâ-beyyine bî-vech muʻârazadan menʻ olunduğu medîne-i Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâdis min-Recebi’l-ferd li-sene selâse ve sittin ve miʼe ve elf.