Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 487 Hüküm no: 759 Orijinal metin no: [86a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İskerlet adlı zimmî ile Dali adlı zimmînin aralarındaki alacak davasında anlaştıkları Maʻrûz-ı dâʻî-i Devlet-i aliyyeleridir ki; Derûn-ı arzuhâlde mezkûrü’l-ism İskerlet nâm zimmî sâhib-i arzuhâl Dali zimmî ile bi’t-terâzi Eyüb mahkemesinde terâfuʻlarında bundan akdem mesfûr Dali zimmetinde cihet-i karzdan yüz elli beş guruş hakkım vardır deyü tasaddî eylediği daʻvâsından an-inkâr yirmi üç guruş bedel-i makbûza baʻde’l-musâlaha ve’l-kabûl mâʻadâya ve târîh-i mezbûra gelince beynlerinde cereyân eden ahz u iʻtâya müteʻallika âmme-i daʻvâdan mesfûr Dali zimmînin zimmetini ibrâ ve iskāt eyledikde ol dahi bedel-i sulh deyü medfûʻu olan meblâğ-ı mezbûr yirmi üç guruşa ve sâire müteʻallika âmme-i daʻvâdan mesfûr İskerlet zimmînin zimmetini ibrâ ve iskāt edip bu vechile katʻ-ı nizâʻ eyledikleri tescîl ve mübâşiri çavuş kulları iltimâsıyla huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâdis min-Recebi’l-ferd li-sene selâse ve sittin ve miʼe ve elf.