Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 488 Hüküm no: 762 Orijinal metin no: [86b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Beşe’nin vefât eden kardeşi Ali’nin vârisleriyle miras meselesinde anlaştığı Maʻrûz-ı dâʻî-i Devlet-i aliyyeleridir ki; Medîne-i Ebâ Eyüb el-Ensârî’de Câmiʻ-i kebîr Mahallesi sükkânından Ahmed Beşe nâm kimesne li-ebeveyn karındaşı müteveffâ (...) Ali’nin zevce-i metrûkesi Râbia nâm hatun ile müteveffâ-i mezbûrun sulbiye kızı Rukiye’nin taraflarından vekîli olan Attâr Mehmed Çelebi mahzarında beynimizde maʻlûm mülk menzilden hisse-i irsiyeleri daʻvâsından yüz guruşa beynlerimiz tevfîk ve sulh olmalarıyla baʻde’l-kabûl bedel-i sulh olan meblâğ-ı mezbûr yüz guruş bi-kadri’l-hısas zevce-i mezbûre Râbia mezbûre Rukiye’ye zimmetimde edâsı lâzım deynimdir deyü baʻde’l-ikrâr edâya taʻahhüd ve baʻde’t-tescîl bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 18 Muharremi’l-haram li-sene selâse ve sittin ve miʼe ve elf.