Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 489 Hüküm no: 763 Orijinal metin no: [86b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayas Ağa karyesinde kiraz fidanlarını söken Seyyid Mustafa ve kardeşi Seyyid Ali’nin anlaştıkları Maʻrûz-ı dâʻî-i Devlet-i aliyyeleridir ki; Havâss-ı refîʻa’ya tâbiʻ Ayas Ağa karyesi sükkânından es-Seyyid Ali Çelebi ve Mustafa Beşe nâm kimesneler Eyüb mahkemesine ihzâr etdirdikleri Seyyid Mustafa ve karındaşı Seyyid Ali nâm kimesneler muvâcehelerinde karye-i mezbûrede vâkiʻ bağlarımız derûnunda magrûs terbiyemiz ile hâsıl on dokuz aded kiraz fidanlarımızı mezbûretân bi-gayr-ı hakkın ihrâc ve âhara beyʻ ile istihlâk etmişler idi deyü tasaddî etdikleri daʻvâlarını baʻde’l-inkâr müddeʻiyân-ı mezbûrân zikr olunan ol mikdâr fidanları bağlarından mezbûrânın bi-gayr-ı hakkın ihrâc etdiklerine üç nefer şuhûd-ı udûlle baʻde’l-isbât bâ-vesâtet-i muslihîn on üç guruş bedel-i makbûza baʻde’l-musâlaha her biri âmme-i daʻvâdan âharın zimmetlerini ibrâ ve iskāt ve bu vechile katʻ-ı nizâʻ etdikleri tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’l-ışrîn min-Saferi’l-hayr li-sene selâse ve sittin ve miʼe ve elf.