Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 489 Hüküm no: 765 Orijinal metin no: [86b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasap el-Hâc Ahmed’in borcunu ödemeye söz verdiği Maʻrûz-ı dâʻî-i Devlet-i aliyyeleridir ki; İşbu bâʻisü’l-iʻlâm İsmail Ağa’nın hasmı Kassab el-Hâc Ahmed nâm kimesne mezbûr İsmail Ağa mahzarında müşterâ ve makbûz maʻlûmü’l-aded kuzu esmânından baʻde’l-hesâb dört yüz guruş deynimden bâkī zimmetimde edâsı iktizâ eden üç yüz guruş târîh-i iʻlâmdan üç ay tamamında edâ olunmak üzere bi’t-terâzi baʻde’t-tecîl ve meblâğ-ı mezbûru müddet-i madrûbe tamamında edâya taʻahhüd ol dahi râzı ve bu vechile iltimâslarıyla tescîl olunup huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’l-hâmis min-Saferi’l-hayr li-sene selâse ve sittin ve miʼe ve elf.