Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 494 Hüküm no: 775 Orijinal metin no: [88a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Agop isimli genci rahatsız ettiği yolunda hakkında şikâyet bulunan es-Seyyid Hüseyin’in kefâlete bağlandığı Maʻrûz-ı dâʻî-i Devlet-i aliyyeleridir ki; Medîne-i Eyüb’de Nişancı Mahallesi kurbünde mütemekkin hâmilü’l-iʻlâm Agop nâm şâbb-ı emred mahalle-i mezbûre sâkinlerinden olup ihzâr-ı şerʻ etdirdiği es-Seyyid Hüseyin nâm kimesne ile murâfaʻa, mezbûr es-Seyyid Hüseyin sû-i kasdıyla her bâr beni taʻcîz ve rencîde eder deyü iştikâsından sonra mezbûr es-Seyyid Hüseyin’den zarâr ve ziyân erişmemek üzere nefsine ve lede’l-mütâlebe huzûr-ı hükkâm-ı kirâma ihzârına Bostanî Mehmed Ağa ve Abdi Ağa ve Mustafa nâm kimesneler kefîl olduklarında müddeʻî-i merkūm daʻvâsından fâriğ olup katʻ-ı nizâʻ etdikleri tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 23 M sene 1163