Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 497 Hüküm no: 782 Orijinal metin no: [88b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma bt. Halil b. Mustafa’nın Mustafa Çavuş Ağa ile olan husûmetinin sona erdiği Maʻrûz-ı dâʻî-i Devlet-i aliyyeleridir ki; Medîne-i Hazret-i Ebâ Eyüb el-Ensârî’de Davud Ağa Mahallesi sâkinelerinden Fâtıma bt. Halil b. Mustafa nâm hatunun tarafından zikr-i âtî husûsda ber-nehc-i şerʻ-i kadîm vekâleti sâbite olan müvekkile-i mezbûrenin vâlidesi sâhibe-i arzuhâl Âişe nâm hatun Mübâşiri Mehter Ali Bey maʻrifetiyle meclis-i şerʻa ihzâr olunan derûn-ı arzuhâlde mezkûrü’l-ism olan Mustafa Çavuş Ağa muvâcehesinde baʻde’n-nizâʻ vesâtet-i muslihîn ile derûn-ı arzuhâlde tahrîr olunup bi’l-vekâle eylediği daʻvâsından meccânen fâriğa olup husûs-ı mezkûra müteʻallika deʻâvîden merkūm Mustafa Çavuş’un zimmetini bi’l-vekâle ibrâ ve iskāt ve birbirleriyle katʻ-ı nizâʻ etdikleri tescîl olunup mübâşiri iltimâsıyla huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 10 min-Muharremi’l-harâm li-sene selâse ve sittin ve miʼe ve elf.