Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 497 Hüküm no: 781 Orijinal metin no: [88b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Ali’nin boşandığı kocası Mehmed ile mehir ve nafaka konusunda anlaştığı Maʻrûz-ı dâʻî-i Devlet-i aliyyeleridir ki; Sâhibe-i arzuhâl Âişe bt. Ali nâm hatun derûn-ı arzuhâlde mezkûrü’l-ism zevc-i mutallıkı Müezzin Mehmed muvâcehesinde mezbûr Mehmed zevcim olup beni bâyinen tatlîk etmekle zimmetinde mütekarrir üç bin akçe mehr-i müeccelim ile nafaka-i iddet-i maʻlûmem ve meʼûnet-i süknâmı taleb ederim deyü baʻde’d-daʻvâ mezbûr Müezzin Mehmed mehr-i mezkûrun beş yüz akçesini ikrâr mâʻadâsını inkâr etmekle beynlerinde münâzaʻât-ı kesîre vukūʻından sonra bâ-vesâtet-i muslihîn bin akçe bedel-i makbûz üzerine baʻde’l-musâlaha ziyâde mehr daʻvâsından üç ayda nafaka-i iddet-i maʻlûme ve meʼûnet-i süknâsı mütâlebesinden müezzin-i mezbûrun zimmetini ibrâ ol dahi ibrâ-i mezkûru baʻde’l-kabûl bedel-i sulh mütâlebesinden mezbûre Âişe’nin zimmetini ibrâ ve bu vechile katʻ-ı nizâʻ etdikleri Eyüb mahkemesinde tescîl olunup Mübâşir Osman Çavuş iltimâsıyla huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâdis aşer min-şehri Muharremi’l-haram li-sene selâse ve sittin ve miʼe ve elf.