Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 499 Hüküm no: 786 Orijinal metin no: [88b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Beşe’nin Dellâk Mustafa’ya olan borcunu ödemesi Maʻrûz-ı dâʻî-i Devlet-i aliyyeleridir ki; Medîne-i Hazret-i Ebâ Eyüb el-Ensârî’de sâkin işbu bâʻisü’l-iʻlâm Dellâk Mustafa nâm kimesne ihzâr-ı şerʻ olunan Ahmed Beşe nâm kimesne muvâcehesinde mezbûr Ahmed Beşe müstakillen mülkü olmak zuʻmuyla bana beyʻ edeceği beynimizde maʻlûm menzil içün iki yüz guruş yedimden peşin ahz edip üç yüz guruşa alâ-mehl-i farz tarîkiyle temessük olmuş idi lâkin mezbûr Ahmed Beşe’nin müteveffâ karındaşı kızı olan Rukiye nâm hatun, babam müteveffâ mezbûrdan müntakil mevrûsumdur deyü menzil-i mezbûrun nısfını daʻvâ ve henüz beyʻ münʻakid ve hüccet-i şerʻiyye dahi olmamağla medfûʻum olan temessük ve iki yüz guruş bana reddolunmak taleb ederim deyü [89a] mezbûr Ahmed Beşe’den daʻvâ etdikde mezbûr Ahmed Beşe dahi husûs-ı mezkûr vech-i mübeyyin üzere olup makbûzum olan meblâğ-ı mezbûr iki yüz guruşu umûr ve mesârifime sarfla istihlâk ve hâlâ zimmetimde vâcibü’l-edâ deynimdir deyü ikrâr ve iʻtirâf etmekle mûcebiyle şerʻan red ve teslîmi iktizâ eden temessük ile meblâğ-ı mezbûr iki yüz guruşu müddeʻî-i mezbûr Mustafa’ya red ve teslîm eylemek üzere iʻtirâfına binâʼen merkūm Ahmed Beşe’ye tenbîh olundukda ol dahi müteʻahhid olduğu baʻde’t-tescîl bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sânî aşer min-Muharremi’l-harâm li-sene selâse ve sittin ve miʼe ve elf.